Cesta de Nadal con produtos ecolóxicos certificados polo Craega
Laura Rodríguez Álvarez, con domicilio en Pontevedra, foi a gañadora do sorteo promovido polo Consello coincidindo co Nadal. Organizado a través da páxina en Facebook do Craega, a dinámica do xogo era moi sinxela. Para participar, só había que respostar á pregunta ‘Que ceas en Noiteboa?’ realizando un comentario no post e picando ‘Gústame’.
Nun período de 10 días, a publicación reuniu máis de 270 comentarios. Tal e como figuraba nas bases, o sorteo realizouse o venres 21 de decembro e a afortunada foi Laura Rodríguez. A cesta con produtos ecolóxicos certificados polo Consello remitiuse finalmente á cidade do Lérez.